ഇറാനെതിരായ സൈനിക നടപടികൾക്കായി അമേരിക്ക 37.5 ബില്യൺ ഡോളർ ചെലവഴിച്ചതായി പെന്റഗൺ അറിയിച്ചു. യുഎസ് സെനറ്റ് അപ്രോപ്രിയേഷൻസ് കമ്മിറ്റിക്ക് സമർപ്പിച്ച റിപ്പോർട്ടിലാണ് പ്രതിരോധ സെക്രട്ടറി പീറ്റ് ഹെഗ്സെത്ത് ചെലവിന്റെ വിവരങ്ങൾ വ്യക്തമാക്കിയത്. സൈനിക വിന്യാസം, ആയുധങ്ങൾ, വ്യോമപ്രവർത്തനങ്ങൾ, സുരക്ഷാ സംവിധാനങ്ങൾ, അനുബന്ധ ലോജിസ്റ്റിക് ചെലവുകൾ എന്നിവ മൊത്തം തുകയിൽ ഉൾപ്പെടുന്നതായാണ് വിവരം. ചെലവിന്റെ വിശദമായ വിഭജനവും തുടർ സൈനിക പദ്ധതികളുടെ സാമ്പത്തിക ബാധ്യതയും കമ്മിറ്റി പരിശോധിക്കും.