കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാൻ രാജിവയ്ക്കണമെന്നാവശ്യപ്പെട്ട് നടത്തിയ പാർലമെന്റ് മാർച്ച് പൊലീസ് തടഞ്ഞതിനെ തുടർന്ന് ജന്തർ മന്തറിൽ സംഘർഷമുണ്ടായി. പ്രതിഷേധക്കാരെ പിരിച്ചുവിടാൻ പൊലീസ് ലാത്തിച്ചാർജ് നടത്തിയെന്നാണ് സംഘാടകരുടെ ആരോപണം. മത്സരപരീക്ഷകളിലെ ക്രമക്കേടുകളിൽ കേന്ദ്രസർക്കാർ ഉത്തരവാദിത്വം ഏറ്റെടുക്കണമെന്നാണ് പ്രതിഷേധക്കാരുടെ ആവശ്യം.