നീറ്റ്, സിബിഎസ്ഇ പരീക്ഷകളിലെ ക്രമക്കേടുകളും വിദ്യാർഥികൾക്കെതിരായ പൊലീസ് നടപടിയും പാർലമെന്റിൽ ചർച്ച ചെയ്യണമെന്ന ആവശ്യം സ്പീക്കർ അംഗീകരിക്കാത്തതിനാലാണ് പ്രധാനമന്ത്രിയുടെ വസതിയിലേക്ക് മാർച്ച് നടത്തിയതെന്ന് രാഹുൽ ഗാന്ധി പറഞ്ഞു. പരീക്ഷാക്രമക്കേടുകളിൽ ആശങ്ക പ്രകടിപ്പിച്ച വിദ്യാർഥികൾക്ക് അദ്ദേഹം പിന്തുണ പ്രഖ്യാപിച്ചു. വിഷയത്തിൽ കേന്ദ്രസർക്കാർ മറുപടി നൽകണമെന്നും പാർലമെന്റിൽ വിശദമായ ചർച്ച നടത്തണമെന്നും പ്രതിപക്ഷ നേതാവ് ആവശ്യപ്പെട്ടു.