പണം വാങ്ങിയാണ് ഡൽഹിയിലെ വിദ്യാർഥി സമരവുമായി ബന്ധപ്പെട്ട പരിപാടിയിൽ പങ്കെടുത്തതെന്ന ബിജെപി നേതാവിന്റെ ആരോപണത്തെ അവതാരകയും നടിയുമായ രഞ്ജിനി ഹരിദാസ് പരിഹസിച്ചു. ആരോപണം ഉന്നയിച്ച നേതാവിനെ വ്യക്തിപരമായി അറിയില്ലെന്നും വിദേശത്തുനിന്ന് എത്ര പണം ലഭിച്ചുവെന്ന് ആരോപിക്കുന്നവർ തെളിവുകളോടെ വ്യക്തമാക്കണമെന്നും അവർ പറഞ്ഞു. വിദ്യാർഥികളുടെ പ്രശ്നത്തിൽ അഭിപ്രായം പ്രകടിപ്പിക്കുന്നത് പണം വാങ്ങിയുള്ള പ്രവർത്തനമായി ചിത്രീകരിക്കുന്നത് അടിസ്ഥാനരഹിതമാണെന്നും നിയമനടപടി സ്വീകരിക്കുന്ന കാര്യം പരിഗണിക്കുമെന്നും രഞ്ജിനി അറിയിച്ചു.