ഹോർമുസ് കടലിടുക്കിലൂടെ കപ്പലുകൾക്ക് സ്വതന്ത്രമായി സഞ്ചരിക്കാനുള്ള അവകാശത്തിൽ യാതൊരു നിയന്ത്രണവും അംഗീകരിക്കാനാവില്ലെന്ന് സൗദി അറേബ്യയും ഇറ്റലിയും വ്യക്തമാക്കി. മേഖലാ സംഘർഷവും ചരക്ക് ഗതാഗതം, ഊർജ വിതരണ പാതകൾ എന്നിവ തടസ്സപ്പെടുമെന്ന ആശങ്കയും ശക്തമായ സാഹചര്യത്തിലാണ് സംയുക്ത നിലപാട്. അന്താരാഷ്ട്ര ജലപാതകൾ തുറന്നും സുരക്ഷിതമായും നിലനിർത്തണം, കടൽവ്യാപാരം സംരക്ഷിക്കണം, അന്താരാഷ്ട്ര നിയമം പാലിക്കണം എന്നിവയ്ക്ക് ഇരുരാജ്യങ്ങളും ഊന്നൽ നൽകി.