ഉംറ തീർഥാടകർക്ക് സൗദി അറേബ്യ 365 ദിവസത്തെ മൾട്ടിപ്പിൾ എൻട്രി വിസ പ്രഖ്യാപിച്ചതായി റിപ്പോർട്ട്. ഒരു വർഷത്തെ കാലാവധിക്കുള്ളിൽ തീർഥാടകർക്കു പലതവണ സൗദിയിൽ പ്രവേശിക്കാനും മടങ്ങാനും സാധിക്കും. എന്നാൽ ഓരോ സന്ദർശനത്തിലും അനുവദിക്കുന്ന താമസകാലം പരമാവധി 90 ദിവസമായിരിക്കുമെന്നും യാത്രയ്ക്ക് മുമ്പ് നുസുക് പ്ലാറ്റ്‌ഫോമിലൂടെ ആവശ്യമായ സർവീസ് പാക്കേജ് വാങ്ങണമെന്നും റിപ്പോർട്ടിൽ പറയുന്നു. തീർഥാടകരുടെ യാത്ര എളുപ്പമാക്കുകയും ഡിജിറ്റൽ സേവനങ്ങൾ മെച്ചപ്പെടുത്തുകയും ചെയ്യുന്നതിന്റെ ഭാഗമായാണ് പുതിയ സംവിധാനം അവതരിപ്പിച്ചതെന്ന് വാർത്തയിൽ വ്യക്തമാക്കുന്നു.