സൗദി എൻറർടെയിൻമെന്റ് വെഞ്ചേഴ്സ് (SEVEN) അഭഹയിൽ ഏകദേശം 950 മില്യൺ സൗദി റിയാൽ ചെലവിൽ വികസിപ്പിച്ച വലിയ വിനോദ സമുച്ചയം തുറന്നു. നിർമാണത്തിൽ മോഡേൺ ബിൽഡിങ് ലീഡേഴ്സ് പങ്കെടുത്ത പദ്ധതിയിലൂടെ അസീർ മേഖലയിലെ കുടുംബ-വിനോദ സൗകര്യങ്ങൾ വർധിക്കും. വിഷൻ 2030യുടെ ഭാഗമായി ആഭ്യന്തര വിനോദ വ്യവസായം വികസിപ്പിക്കുകയും രാജ്യത്തിനുള്ളിലെ വിനോദച്ചെലവ് ഉയർത്തുകയും ചെയ്യുന്ന സൗദി പദ്ധതിയുടെ ഭാഗമാണിത്. രാജ്യവ്യാപകമായി SEVEN വികസിപ്പിക്കുന്ന വിനോദ കേന്ദ്രങ്ങളുടെ ശൃംഖലയിലേക്ക് അഭഹയിലെ പുതിയ കേന്ദ്രവും ചേർന്നു.