ഡൽഹിയിലെ വിദ്യാർഥി പ്രതിഷേധത്തിനിടെ രാഹുൽ ഗാന്ധി ഉൾപ്പെടെയുള്ള എംപിമാർക്കെതിരെ പൊലീസ് നടപടി സ്വീകരിച്ചതിൽ പ്രതിഷേധിച്ച് കെഎസ്‌യുവും എഐഎസ്എഫും സംസ്ഥാനവ്യാപക വിദ്യാഭ്യാസ ബന്ദിന് ആഹ്വാനം ചെയ്തു. വിവിധ ജില്ലാ കേന്ദ്രങ്ങളിൽ പ്രതിഷേധ പ്രകടനങ്ങളും പൊതുയോഗങ്ങളും സംഘടിപ്പിക്കുമെന്ന് സംഘടനകൾ അറിയിച്ചു. പ്രധാനമന്ത്രിയുടെ കോലം കത്തിക്കുന്ന പരിപാടികളും നടത്തുമെന്ന് കെഎസ്‌യു വ്യക്തമാക്കി. വിദ്യാർഥികൾക്കെതിരായ പൊലീസ് നടപടി അവസാനിപ്പിക്കണമെന്നും പരീക്ഷാക്രമക്കേടുകളിൽ ഉത്തരവാദികൾക്കെതിരെ നടപടി വേണമെന്നുമാണ് ആവശ്യം.