കെപിസിസി ആസ്ഥാനത്തേക്ക് ബിജെപി നടത്തിയ പ്രതിഷേധ മാർച്ച് ആസൂത്രിതവും പ്രകോപനപരവുമാണെന്ന് കെപിസിസി പ്രസിഡന്റ് സണ്ണി ജോസഫ് ആരോപിച്ചു. കേന്ദ്രസർക്കാരിനെതിരായി രാജ്യത്ത് ഉയരുന്ന ജനരോഷത്തിലും വിദ്യാർഥി പ്രതിഷേധങ്ങളിലുംനിന്ന് ശ്രദ്ധതിരിക്കാനാണ് ബിജെപി ഇത്തരം മാർച്ചുകൾ സംഘടിപ്പിക്കുന്നതെന്നാണ് അദ്ദേഹത്തിന്റെ ആരോപണം. കോൺഗ്രസ് പ്രവർത്തകരെ പ്രകോപിപ്പിച്ച് സംഘർഷമുണ്ടാക്കാനുള്ള ശ്രമങ്ങളെ രാഷ്ട്രീയമായും ജനാധിപത്യപരമായും നേരിടുമെന്നും പാർട്ടി ഓഫീസുകളുടെ സുരക്ഷ ഉറപ്പാക്കണമെന്നും അദ്ദേഹം ആവശ്യപ്പെട്ടു.