സുപ്രീം കോടതി നടപടികളുടെ വീഡിയോ ദൃശ്യങ്ങൾ അനുമതിയില്ലാതെ റെക്കോർഡ് ചെയ്യുന്നതും മുറിച്ചെടുത്ത് സാമൂഹികമാധ്യമങ്ങളിൽ പ്രചരിപ്പിക്കുന്നതും സാമ്പത്തിക നേട്ടത്തിനായി ഉപയോഗിക്കുന്നതും കോടതി നിരോധിച്ചു. എന്നാൽ കോടതി നടപടികളെക്കുറിച്ചുള്ള വാർത്താ റിപ്പോർട്ടിങ്ങിനെ ഉത്തരവ് ബാധിക്കില്ലെന്ന് ബെഞ്ച് വ്യക്തമാക്കി. മാധ്യമങ്ങൾക്ക് വിലക്കേർപ്പെടുത്തുന്ന ഉത്തരവായി ഇതിനെ കാണരുതെന്നും കോടതി പറഞ്ഞു.