തമിഴ്നാട്ടിൽനിന്ന് കേരളത്തിലേക്ക് എം-സാൻഡ് ഉൾപ്പെടെയുള്ള നിർമാണ സാമഗ്രികൾ എത്തിക്കുന്നതിന് നിയന്ത്രണം ഏർപ്പെടുത്തിയതായി റിപ്പോർട്ട്. തീരുമാനം കേരളത്തിലെ നിർമാണ മേഖലയെ ഗുരുതരമായി ബാധിക്കുമെന്ന ആശങ്ക കരാറുകാരും വ്യാപാരികളും ഉയർത്തി. സാമഗ്രികളുടെ ലഭ്യത കുറയുന്നതോടെ വില വർധിക്കാനും വീടുകളും പൊതുമരാമത്ത് പദ്ധതികളും വൈകാനും സാധ്യതയുണ്ടെന്നാണ് വിലയിരുത്തൽ.