ഒളിവിലുള്ള അർജുൻ ആയങ്കിയെ കണ്ടെത്താൻ തൃശൂർ സിറ്റി പൊലീസ് വ്യാപക തിരച്ചിൽ ശക്തമാക്കിയതിനിടെ സഹോദരൻ അഖിലിനെ കസ്റ്റഡിയിലെടുത്തു. കൊത്തമംഗലം സർക്കിൾ ഇൻസ്പെക്ടറെ ഭീഷണിപ്പെടുത്തിയെന്ന കേസിലാണ് ആയങ്കിയെ അന്വേഷിക്കുന്നത്. മൊബൈൽ ലൊക്കേഷൻ നായ്ക്കനാൽ മേഖലയിൽ കണ്ടെത്തിയതിനെ തുടർന്ന് നായ്ക്കനാൽ ജങ്ഷൻ, തേക്കിൻകാട് മൈതാനം എന്നിവിടങ്ങളിൽ പരിശോധന നടന്നു. പാലക്കാട് നിന്ന് തൃശൂരിലേക്കുള്ള യാത്രയിൽ വാഹനം മാറ്റി ഇയാൾ വീണ്ടും പൊലീസിനെ വെട്ടിച്ചതായാണ് അന്വേഷണസംഘത്തിന്റെ നിഗമനം. ഉപയോഗിച്ചതായി കരുതുന്ന ഒരു കാർ കണ്ടെത്തിയിട്ടുണ്ട്.