ഫിഫ പ്രസിഡന്റ് ജിയാനി ഇൻഫാന്റിനോയെ ഐക്യരാഷ്ട്രസഭയുടെ അടുത്ത സെക്രട്ടറി ജനറലായി പരിഗണിക്കണമെന്ന അഭിപ്രായം യുഎസ് പ്രസിഡന്റ് ഡൊണാൾഡ് ട്രംപ് പ്രകടിപ്പിച്ചതായി റിപ്പോർട്ട്. ലോകകപ്പ് സംഘാടനത്തിലും അന്താരാഷ്ട്ര ഫുട്ബോൾ ഭരണത്തിലും ഇൻഫാന്റിനോ വഹിച്ച പങ്കിൽ ട്രംപ് സംതൃപ്തനാണെന്നാണ് വിവരം. യുഎൻ സെക്രട്ടറി ജനറൽ നിയമനത്തിന് അംഗരാജ്യങ്ങളുടെ പിന്തുണയും സുരക്ഷാ സമിതിയുടെ ശുപാർശയും ആവശ്യമാണ്. ട്രംപിന്റെ പരാമർശത്തോട് ഫിഫയോ ഇൻഫാന്റിനോയോ ഔദ്യോഗികമായി പ്രതികരിച്ചിട്ടില്ല.