തുടർച്ചയായ വിദ്യാർഥി, പ്രതിപക്ഷ പ്രതിഷേധങ്ങളുടെ പശ്ചാത്തലത്തിൽ ഡൽഹിയിലെ സുരക്ഷ ശക്തമാക്കുന്നതിനായി 20 സിആർപിഎഫ് കമ്പനികളെ കൂടി വിന്യസിക്കാൻ കേന്ദ്രസർക്കാർ ഉത്തരവിട്ടു. പശ്ചിമ ബംഗാളിൽനിന്നുള്ള സേനാംഗങ്ങളെയാണ് തലസ്ഥാനത്തേക്ക് എത്തിക്കുക. പാർലമെന്റ്, പ്രധാനമന്ത്രിയുടെ വസതി, കേന്ദ്രമന്ത്രാലയങ്ങൾ, പ്രധാന പ്രതിഷേധകേന്ദ്രങ്ങൾ എന്നിവിടങ്ങളിൽ അധിക സുരക്ഷ ഒരുക്കാനാണ് നടപടി. പ്രാദേശിക പൊലീസുമായി ഏകോപിപ്പിച്ചായിരിക്കും സേനയുടെ വിന്യാസമെന്നും സ്ഥിതിഗതികൾ അനുസരിച്ച് സുരക്ഷാ ക്രമീകരണങ്ങൾ പുനഃപരിശോധിക്കുമെന്നും അധികൃതർ അറിയിച്ചു.