കേരളത്തിലെ ദേശസാൽകൃത ബാങ്കുകളിൽ അവകാശികളില്ലാതെ കിടന്നിരുന്ന നിക്ഷേപങ്ങളിൽനിന്ന് 858.56 കോടി രൂപ യഥാർഥ അവകാശികൾക്ക് തിരികെ നൽകിയതായി കണക്കുകൾ വ്യക്തമാക്കുന്നു. രേഖകളില്ലാത്തതോ ദീർഘകാലമായി ഇടപാടുകളില്ലാത്തതോ ആയ അക്കൗണ്ടുകളിലാണ് പണം കിടന്നിരുന്നത്. ഇനിയും 50 ലക്ഷത്തിലധികം അക്കൗണ്ടുകളിലായി ഏകദേശം 1,275 കോടി രൂപ തിരിച്ചുനൽകാനുണ്ട്. നിക്ഷേപകരെയും നിയമപരമായ അവകാശികളെയും കണ്ടെത്തുന്നതിനായി ബാങ്കുകളും സർക്കാർ ഏജൻസികളും ബോധവൽക്കരണ പരിപാടികൾ തുടരുകയാണ്.