സാമൂഹികമാധ്യമ പ്ലാറ്റ്ഫോമായ എക്സ് പരിഷ്കരിച്ച ആൻഡ്രോയിഡ് ആപ്പ് പുറത്തിറക്കി. വേഗമേറിയ പ്രവർത്തനം, സുഗമമായ സ്ക്രോളിങ്, കുറഞ്ഞ ലോഡിങ് സമയം, മെച്ചപ്പെട്ട നോട്ടിഫിക്കേഷനുകൾ എന്നിവയാണ് പുതിയ പതിപ്പിന്റെ പ്രധാന സവിശേഷതകൾ. പഴയ പതിപ്പിൽ ഉപയോക്താക്കൾ റിപ്പോർട്ട് ചെയ്ത പ്രകടനപ്രശ്നങ്ങൾ പരിഹരിക്കുന്നതിനാണ് ആപ്പിന്റെ സാങ്കേതിക ഘടനയിൽ മാറ്റം വരുത്തിയത്. കൂടുതൽ ഫീച്ചറുകളും ഇന്റർഫേസ് മെച്ചപ്പെടുത്തലുകളും പിന്നീട് അവതരിപ്പിക്കുമെന്ന് കമ്പനി അറിയിച്ചു.