പരീക്ഷാ പേപ്പർ ചോർച്ചയുമായി ബന്ധപ്പെട്ട് കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാന്റെ രാജി ആവശ്യപ്പെടുന്ന യുവജന പ്രക്ഷോഭ നേതാക്കൾ കേന്ദ്രസർക്കാർ പ്രതിനിധികളുമായി ചർച്ച നടത്തി. ആവശ്യത്തിൽ മറുപടി നൽകാൻ ശനിയാഴ്ച ഉച്ചവരെ സമയം വേണമെന്ന് സർക്കാർ അറിയിച്ചതായി നേതാക്കൾ പറഞ്ഞു. അന്തിമ തീരുമാനമുണ്ടാകുന്നതുവരെ രാജ്യവ്യാപക പ്രതിഷേധം തുടരുമെന്നും അവർ വ്യക്തമാക്കി.